katibu Mkuu wa Viwanda na Biashara, Balozi Waziri Salum amepata fursa ya kutembelea banda la TACAIDS lililopo kwenye banda Jumuishi la Ofisi ya Waziri Mkuu kujionea huduma zinazotolewa na TACAIDS, ikiwemo elimu ya VVU na UKIMWI, huduma za ushauri nasaha na upimaji wa VVU bila malipo, magonjwa yasiyoambukiza pamoja na jitihada za kuhamasisha jamii kushiriki kikamilifu katika kuimarisha Mwitikio dhidi ya VVU na UKIMWI.

Mkuu wa Mkoa wa Iringa Mhe. Comredi Kheri James ametembelea banda la TACAIDS lililopo kwenye Banda Jumuishi la Ofisi ya Waziri Mkuu na taasisi Zake katika Maonesho ya 50 ya Kimataifa ya Biashara Sabasaba yanayoendelea, Viwanja vya Mwalimu Julius Nyerere jijini Dar es Salaam. Aidha amefurahishwa na maelezo aliyopewa kuhusu Takwimu za hali ya VVU na UKIMWI inavyoendelea mkoani Iringa na nchini kote

Waziri wa Nchi Ofisi ya Waziri Mkuu, Sera, Bunge, Uratibu na Wenye Ulemavu. Prof. Palamagamba Kabudi (Mb) amefanya ziara katika Mkoa wa Morogoro na kutembelea mradi wa mashine ya kidigitali ya kusambaza kondomu (Condom Vending Mashine) ambayo inayotekelezwa na TACAIDS chini ya Uratibu wa Ofisi ya Waziri Mkuu-Sera, Bunge, Uratibu na wenye Ulemavu.

Tume ya Kudhibiti UKIMWI Tanzania-TACAIDS inaendelea kutoa elimu ya VVU na UKIMWI kwa wananchi waliopo viwanja vya sabasaba ikiwemo matumizi ya Kondom,matumizi ya dawa kinga dhidi ya maambukizi ya VVU na huduma ya Upimaji inayotolewa bila malipo katika banda la TACAIDS kwenye banda jumuishi la Ofisi ya Waziri Mkuu na Taasisi zake viwanja vya mwalimu Nyerere, jijini Dar-es-Salaam.